最新消息

作者：IVAN SIU
簡介：醫院男護, 錦濤街坊,已婚，家有一女。略懂家居維修，基本水電。
入得廚房，被女兒稱為星級廚師，精通著數行情，有師奶綽號之稱。

在馬鞍山社區動力的義工活動中，這兩三個月也有持續性免費派口罩活動 ，由最初上門派發給長者 ，到後期在社區裏隨機派發給前線勞工人士， 如：食環職工、基層人士、老弱婦孺、職業司機等。能夠持續有這些愛心行動，實在有賴一班義工有樂於助人的心，而更重要的還是要多謝那些在背後捐出口罩的善長人翁！

最初口罩緊張的時期，我們只能向有需要人士派發一包三個的口罩，到後期增加到一包五個。我常常在猜度那些善長人翁會是誰呢？能夠滿有大愛捐贈如此大量口罩！直到最近，在義工群中，有一位義工表示公司能夠代購口罩，而且有認證的合格證書，眾義工知道後，訂購反應熱烈，有的更訂購近千個口罩。但其實這批口罩，並非特別便宜，所以我並沒有加入訂購。

過了幾天，義工們也很快便收妥所訂購的口罩。隨即群組的發起人表示，有第三輪的派口罩行動 ，而且每份口罩增加至五個 ，此時我突然醒覺起來，其實我們每個人也都可以做善長人翁，隨即，我眼中流出了一腔感動的淚水，並決定下次也要訂購一些口罩！

在派發口罩的對象中，我最愛向小巴司機派發，例如810、803、808 等路線，以808小巴司機為例，因為他們的駕駛路線是穿梭威爾斯醫院和沙田醫院，每日除接載無數馬鞍山街坊上班上學，出入醫院、覆診看病、更會接載不少兩院的醫護人員 上班下班。無疑地808小巴司機，也成為最容易受疾病傳染的高風險人士，他們的工作，實在令人敬佩，也會令人更關心他們的基本防疫裝備。

我也是在沙田醫院上班，經常乘搭上述小巴上班下班，而我派口罩總會選擇下車的時候向司機送上口罩，並且會說聲：「司機哥哥辛苦曬喇 ，送啲口罩畀你呀！」然後便匆匆下車，他們有時也會有些來不及的反應，回過神後，總會回應一句：「啊！多謝多謝！」有時我也感到不太好意思去接受他們的謝意， 因為我只是代那些善長人翁傳遞心意 ，其實光環並不屬於我的！不過，日後我也要加入善長人翁的行列。

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

欄目名： 幸福煮意
作者： SANDRA JIJA
簡介：
「愛，從煮意中得尋覓；暖，味道心思顯其中。」
喜愛入廚的我，對食材美學大感興趣，喜愛炮製出一道又一道精緻簡單的菜式,甜品及包點。烹飪在我的人生中便成為了幸福的泉源 ， 更可隨時為身邊人帶來幸福滋味。

• 

400次 焦糖泡沫咖啡
最能夠療癒人心的就是甜品和咖啡
續 Burnt Cheesecake 後，同大家分享一下
韓國最近超火紅的 400次咖啡又名焦糖泡沫咖啡（Dalgona Coffee），超綿密的奶泡宛如雲朵般飄浮在牛奶上，十分療癒！

食譜材料：
金裝雀巢咖啡 2TABLE SPOON
RAW SUGAR 1TABLE SPOON （ 可減至 6 克 會帶點苦澀味）
熱水 – 2TBSP
日本牛奶 / 牛奶
冰粒

做法：
1. 咖啡粉, 糖放入小樽入,注入 2 大匙熱水拌勻後再以打蛋器打至成忌廉狀；
–  HandBlender （大約 1-2分鐘）
– 用打蛋器大約打 7分鐘
– 可挑戰手打 多糖可以增加容易打起
2. 奶放杯內 （可加冰）也 （可加乳酪）
3. 把咖啡泡沫加在奶面, 完成。
（可因個人喜好加入可可粉, 玉桂式焦糖醬）

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

• 

作者： SANDRA JIJA
簡介：
「愛，從煮意中得尋覓；暖，味道心思顯其中。」
喜愛入廚的我，對食材美學大感興趣，喜愛炮製出一道又一道精緻簡單的菜式,甜品及包點。烹飪在我的人生中便成為了幸福的泉源 ， 更可隨時為身邊人帶來幸福滋味。

抗疫時期大家盡量 STAY AT HOME ，減少不必要既外出 ^^。
那在家可以盡情地做多一點美食 , 也可作為一個親子活動。
近期大熱除了 400次咖啡外 這一個 BURNT CHEESECAKE 絕對推介大家一試。這個 BURNT CHEESECAKE
它就是【 燒 焦 的 芝 士 蛋 糕 】

它。最早起源於西班牙的巴斯克地區，後來不僅在日本大紅，還被紐約時報奉為2019 年度甜品。做法超簡單，幾乎零失敗，烤焦它就對了！

• 

HOKKAIDO LUXE CREAM CHEESE  忌廉芝士 250G
糖粉或白砂糖  60-65G
蛋黃 1個
全蛋 2隻
淡忌廉 110g
低筋麵粉 5g  ( 可減去 ）
15CM 圓形蛋糕模 （ 先放入牛油紙備用）230度
– 預熱焗爐 20 分鐘
– 預備一個盤用來作座水焗

• 

1. 忌廉芝士  室溫放軟加入糖粉拌勻；
2. 加入蛋黃拌勻 再逐隻全蛋加入，每次拌勻後再加入；
3. 再把淡忌廉 加入拌勻；
4. 把已過篩麵粉加入及拌勻；
5. 再把整個芝士糊過篩到模內
6. 盤內注入100度熱水，再放入已預熱焗爐內以 220度 25-30分鐘
7. 完成後放涼放入雪櫃雪至凍享用。
**建議 – 220 度15 分鐘不用開風 餘下時間開風焗至蛋糕面變深色

• 

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

• 

作者：寳
簡介：嘗試減廢的青年（非廢青），愛吃菜，同時學習調理農務，希望為本土農業做些好事。

當專家在電視前指出「疫症不會完」，不知大家有否和我一樣，覺得真的「完了」，因為要過著提心吊膽戴口罩、撲糧食撲物資的日子⋯⋯？如是過了接近兩個月的抗疫時光，我們或多或少都有點「心得」，例如是關於如何慳住使、積穀防飢、調整心態等等。身為入門級環保L，我也略略整理到一些較為環境友善的抗疫妙計，且作分享～

雖然，疫症當前醫療必需品真是環保極有限，惟有在生活其他層面上，再努力一點吧。例如是盡力減少使用即棄用品，減輕地球負擔。今次介紹的自家「抗疫包」，其實正是平常也可以運用到的物品！全屬本地產商和街坊朋友出品，支持本土製造之餘，也希望為永續生活出點綿力。

【自家萬用皂】是咁的，造皂是小妹興趣之一，用自己種植的左手香入皂，成份天然（內含天然甘油！）絕無致敏的化學添加物，亦減少環境污染。其實不少街坊也有自製手工護膚品的經驗，說不定大家日後可以交換技能呢！

【自製口罩套】家母和一班鞍泰街坊鑽研多時的口罩套，幫助延長口罩壽命。更重要是貼近面型，真•度身訂造，舒適又穩陣。有衣車的街坊輪流作業，好warm啊～

【酒精搓手液】自己社區自己救，當然少不了馬鞍山社區動力的搓手液！如果覺得氣味太嗆，可以酌量加添精油或蘆薈軟膏等。

【塑膠口罩盒】曾經用作盛載藥品的膠盒，正好用作進膳時暫放口罩的硬淨收納盒，比舊信封來得方便。用後以肥皂清洗乾淨即可。

【回收再造紙】支持本地回收商「Mil Mil喵坊 」——用紙包飲品盒再造的廁紙通過衛生檢測，雖然質感比大牌子粗糙少少，但用落亦夠做，更不易塞渠。

【手工布M巾】有了可重用的衛生用品，便不用再排隊搶巾啦！布M巾全面走塑，不含漂白劑等致敏物質。用後以梳打粉浸洗，好好保養的話一塊「片」起碼有三年壽命啊。

還有更多環保抗疫大法？歡迎交流交流～

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

作者: 展超
喜愛到馬鞍山及周邊地區閒遊，享受大自然

• 

• 

日期: 二零二零年三月廿二日

早一日天陰陰咁，點諗到今日咁好天？咁好太陽，冇理由唔出去抖吓氣啫，近近地我後山唔多人行，上去坐吓、吹吓風、嘆吓茶，一坐就個幾鐘。呢條路線相對簡單而且路程唔長，又夠就腳，最好係唔太多人會行，唔駛人山人海，有位可以抖吓氣。

馬鐵大水坑站 B 出口，樓梯上返地面，一直向前行就會見到路線起點。

雖然呢條路唔係正式行山徑，不過其實不時都有人行，所以路線亦好清晰。其實山上嘅路有好多，大同小異啦，唔少都係殊途同歸，上山就唔會有分叉，跟住條路行就得。高低落差唔多，唔駛用手嘅。

• 

• 

• 

由馬鐵站起步計，都係十分鐘、650米路程，已經上到一個石平台位，呢度可以望返落去下面富安花園、大水坑、錦泰苑、曉峰灣畔一帶，好開揚。上多少少會見到條標高柱，呢度山友叫做「半坳嶺」，又係風景位。望過對面嘅鹿巢山，個多月前嘅山火，燒到黑晒。

• 

• 

• 

半坳嶺之後嘅路更加明顯，而且斜度變化唔多，輕輕鬆鬆行多少少，就會見到青蛙石。

• 

• 

過咗青蛙石上多一後路，風景更覺開揚，搵個大石台位休息一下，吹吹涼風，洗卻一身悶氣。

• 

好風光，不妨稍作停留，飲返啖茶，打發吓時間，反正路程唔長大把時間。坐到夠，再開始上山。

• 

• 

• 

其實都係行多十分鐘唔夠，就已經接入水泥路，開始聽到煩囂嘅人聲。沿梯級落去，就已經係馬鞍山燒烤場。而家假日，真係山上面隨時人多過商場，所以印係不作逗留，沿車路落山。呢條良友路當然係零難度啦，係小心避車囉。

• 

• 

其實最悶就係行車路，好彩人唔算多，慢慢行散步落山。行行吓會見到左面有一個石拱門，據說係舊時礦場吊車設施嘅一部份。呢個位有條小路，係晨運客開僻嘅捷徑，可以由呢度落返去恆安邨、大水坑，唔算太難，總好過繼續行車路。不過喺度落去之前，我就喺附近轉入另一個位，尋訪昔日礦場一個遺址，礦洞出口。呢個出口位於海拔110米，舊時開採咗嘅鐵礦石，就係由呢度用礦車運落去海邊，送去日本。

• 

• 

• 

• 

由晨運徑落去，兩分鐘唔駛就落到水泥路。會見到一啲設施，據講係舊時選石廠嘅遺址。沿水泥路行，就可以出返去馬鞍山繞道，一路行就會返到上山時嘅水務署路口。

• 

• 

• 

轉自原文： http://hikingshare.byethost22.com/frogrock/frogrock.html
(編者按: 原文標題為”青蛙石”)

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

• 

作者: 彭利池
簡介: 作者諸事八卦，外形似人其實係一條八爪魚， 又係保險人又係演員又係配音員又係導演，常常熱血過籠不過心地善良😎

頭啖湯， 尾班車

我就絕對唔係教大家煲湯， 而係想同大家講一講喺3月31日前最後一個星期有冇一啲可以慳稅嘅方法， 錢喺自己銀包好過俾庫房啦係咪😆

市面而家首次有3款理財產品可扣稅，正確應該係話增加免稅額，可扣稅產品包括「自願醫保」、「延期年金」、及「MPF自願性供款」

自願醫保最多扣稅額為8,000元，以最高稅階計，即最多可節省1,360元；其餘兩者合共扣稅額為60,000元，即最多可節省10,200元。

「自願醫保」顧名思義就係住院醫療計劃啦， 雖然上限扣稅額係8,000元， 但例如一位40歲非吸煙男士， 自願醫保每年嘅保費大約係4,500元左右， 咁即使投保，佢嘅免稅額係4,500元， 不過政府容許你可以攞埋你屋企人嘅自願醫保呢當免稅額， 例如幫父母，兄弟姐妹，配偶或子女投保，佢哋嘅保費可以加落去你嘅免稅額度， 不過上限都係8,000元免稅額， 如果以最高稅階去計算可慳到嘅稅最多係1,360蚊。

「延期年金」的話， 即係而家可能投保一個五年或者十年嘅計劃， 當筆錢滾存之後退休嘅時候每個月攞返，投保延期年金嘅話， 最高嘅免稅額係60,000蚊， 即係每年要投保落個計劃係60,000元，同樣以最高稅階去計算最多可慳嘅稅係10,200元。

「MPF自願性供款」， 呢個戶口同我哋本來供嘅mpf係分開嘅， 呢個戶口同延期年金一樣最高免稅額係60,000元 ( 延期年金 + MPF自願性供款夾埋最高係60,000元)， 即係每年攞60,000元出嚟擺落呢一個MPF自願性供款嘅戶口，咁就會多60,000嘅免稅額， 而呢一個戶口裏面嘅錢， 要提取嘅話係同MPF嘅規例一樣。

大家記住如果要申請以上嘅幾樣產品， 而又想喺今個稅季年度(2019/2020) 可以行駛到個免稅額， 喺3月27號之前就要向有關金融機構申請， 過咗都可以申請不過就只能再下一個稅季年度(2020/2021) 先至可以扣稅喇， 所以大家想慳稅嘅話就要趕呢架尾班車啦🏃‍♂

以上文章為街坊投稿，文章內容只供參考，不代表本會立場。
有關稅務/保險/強積金/年金相關詳情，請尋求專業人士意見。

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

• 

作者: 彭利池
簡介: 作者諸事八卦，外形似人其實係一條八爪魚， 又係保險人又係演員又係配音員又係導演，常常熱血過籠不過心地善良😎

近日，香港政府已經宣佈對於全球發出紅色外遊警示(不包括中澳台)，但如果大家是有必要地選擇去有外遊警示的地方，買旅遊保險時有甚麼要留意？今日就同大家講講，旅遊保險，甚麼保甚麼不保！

外遊警示是什麼?
外遊警示由香港保安局發布，因應每個國家嘅危險情況已發佈，協助香港居民若到訪的海外國家或地區時會面臨的人身安全危險，經風險評估後，考慮是否需要發出外遊警示的制度。

警示分為3級，最低為黃色，提醒大家留意當地局勢，提高警惕注意安全。中級就是紅色，代表有明顯威脅，如非必要不要前往。最嚴重就是黑色，意指有嚴重威脅，不應前往。

有什麼保什麼不保?
在外遊警示發出前購買旅遊保險，多數保單都會為「取消行程」及「縮短行程」作出不同程度的賠償，而上述過程就僅限在外遊警示生效期間才能受保，對於今次港府鑑於武肺，對全球大部份國家發出紅色外遊警示，投保人需要不時留意保險公司的最新消息，例如投保日期，武肺是否屬於保障範圍，海外醫療等等全部都會受影響，所以投保前一定要問清楚。

幾時買旅遊保險最好?
如果已經預訂了機票和酒店，最好盡早買旅遊保險，以得到更多保障。因旅保在購買一刻已開始生效，如購買後但又未出發，而政府對旅遊目的地發出黑色外遊警示，你所購買的保單，如黑色外遊警示屬保障範圍，那麼便可獲得賠償。不過，當保安局已發出外遊警示，之後所作出購買的旅保，一般保險公司則不作出任何賠償。 因為保險從來都係管理未知風險，而唔會保已知嘅事。

有部分旅保會在黃、紅警示發出後購買仍會受保，這項目稱之為「升級警示」。旅保公司則會賠償，因警示升級而引致「取消行程」及「中止旅程」的損失。在黃色警示下購買旅保，出發前警示升級轉為紅色警示，仍會受保。

其實係呢啲咁嘅時候如果係吃喝玩樂原因就真係可免則免喇， 好多航空公司喺呢段時候都容許延遲機票， 所以，除咗商務或工作原因冇辦法之下才離港吧， 人冇事先做到世界冠軍㗎嘛🤣

外遊貼士
保安局網站亦提醒市民，在紅色外遊警示下，應注意事項及建議：
‧ 計劃前往當地的市民應調整行程，如非必要，避免前往。
‧ 身在當地的港人應留意局勢，注意安全，避開示威或人群聚集的地方。
‧ 在當地的市民，如需協助，可致電入境事務處「協助在外香港居民小組」24小時求助熱線（852）1868
‧ 香港居民可在離開香港前，透過「外遊提示登記服務」登記外遊行程和聯絡方法，以便接收最新外遊警示和相關資訊。遇有緊急事故，入境事務處可作緊急聯絡以提供協助。網址：www.gov.hk/tc/residents/immigration/outsidehk/roti.htm

另外，保安局推出「保安一站通」手機App，除了可看到最新外遊警示消息，也可找到中國駐外大使館及領事館的聯絡資訊。「保安一站通」亦提供「自救法寶」，例如一般急救指南、災難應變資訊等。網址：www.sb.gov.hk/chi/news/mobileapp/

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

• 

欄目名： 幸福煮意
作者： SANDRA JIJA
簡介：
「愛，從煮意中得尋覓；暖，味道心思顯其中。」
喜愛入廚的我，對食材美學大感興趣，喜愛炮製出一道又一道精緻簡單的菜式,甜品及包點。烹飪在我的人生中便成為了幸福的泉源 ， 更可隨時為身邊人帶來幸福滋味。

泰式浸鮑魚材料及過程為簡單方便， 所有材料街市已可購買

材料：
消毒玻璃樽一個
鮮鮑魚大 6隻 ( 中 size 大約可做 7-8) – 去外殼及洗淨去內臟
薑 2-3片
冰水一盤

步驟：

1. 煲內加入薑片把水煲滾後加入已清洗既鮑魚中火滾 4分鐘）
2. 隨即放入冰水中浸泡約 5分鐘
3. 鮑魚取出在面部𠝹出十字花
4. 鮑魚放入樽來再加入醬汁，蓋完樽蓋後輕搖一下
   放入雪櫃冷藏浸醃6小時或以上。

醬汁材料：
魚露 3-4大匙　
蠔油 2大匙
原糖 RAW SUGAR 3大匙
暖水 半碗
芫茜 2棵 （浸洗及切碎）
辣椒 1-2隻( 1隻原隻切段，另一隻去籽後切段）如鍾意辣就可以不去籽
香茅 2枝 （輕拍及切碎）
蒜頭 2-3顆 （去外衣切碎）
乾蔥 2顆 （去外衣切碎）
青檸 1.5-2個 ( 切開取汁，留下檸檬皮及肉同時放入樽內）

醬汁及飽魚放入大樽內，隨後蓋蓋輕搖一下令材料均勻
（味道可自行再作調較）

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

• 

馬鞍山社區動力製作了一批簡單的撳𨋢神器，幫助居民對抗疫情。有意領取居民請填寫以下Google Form登記領取。因首批數量有限，如登記超出所限，會以抽籤決定，抽籤結果會於3月6日星期五或之前以Ｗhatsapp 個別通知。

登記表格:
https://docs.google.com/forms/d/e/1FAIpQLSdPaRqwbruqPBRCiQvXCcNX0g61dUK5_eLh6Fps8ivoNPltnw/viewform

馬鞍山社區動力這款撳𨋢神器是以幼身唇膏桶加上水松木製成，管身與蓋頂留有足夠空間讓水松木突出。使用時只需打開蓋，毋需扭動管身便可直接使用，用完蓋好即可，方便衛生。水松木之硬度類似手指，可用於一般按鍵式電梯和自動櫃員機， 不會損害按鈕上之膠片。

注意：不適用於輕觸式按鈕或屏幕。

•