作者: 馬鞍山社區動力

作者: 彭利池
簡介: 作者諸事八卦，外形似人其實係一條八爪魚， 又係保險人又係演員又係配音員又係導演，常常熱血過籠不過心地善良😎

頭啖湯， 尾班車

我就絕對唔係教大家煲湯， 而係想同大家講一講喺3月31日前最後一個星期有冇一啲可以慳稅嘅方法， 錢喺自己銀包好過俾庫房啦係咪😆

市面而家首次有3款理財產品可扣稅，正確應該係話增加免稅額，可扣稅產品包括「自願醫保」、「延期年金」、及「MPF自願性供款」

自願醫保最多扣稅額為8,000元，以最高稅階計，即最多可節省1,360元；其餘兩者合共扣稅額為60,000元，即最多可節省10,200元。

「自願醫保」顧名思義就係住院醫療計劃啦， 雖然上限扣稅額係8,000元， 但例如一位40歲非吸煙男士， 自願醫保每年嘅保費大約係4,500元左右， 咁即使投保，佢嘅免稅額係4,500元， 不過政府容許你可以攞埋你屋企人嘅自願醫保呢當免稅額， 例如幫父母，兄弟姐妹，配偶或子女投保，佢哋嘅保費可以加落去你嘅免稅額度， 不過上限都係8,000元免稅額， 如果以最高稅階去計算可慳到嘅稅最多係1,360蚊。

「延期年金」的話， 即係而家可能投保一個五年或者十年嘅計劃， 當筆錢滾存之後退休嘅時候每個月攞返，投保延期年金嘅話， 最高嘅免稅額係60,000蚊， 即係每年要投保落個計劃係60,000元，同樣以最高稅階去計算最多可慳嘅稅係10,200元。

「MPF自願性供款」， 呢個戶口同我哋本來供嘅mpf係分開嘅， 呢個戶口同延期年金一樣最高免稅額係60,000元 ( 延期年金 + MPF自願性供款夾埋最高係60,000元)， 即係每年攞60,000元出嚟擺落呢一個MPF自願性供款嘅戶口，咁就會多60,000嘅免稅額， 而呢一個戶口裏面嘅錢， 要提取嘅話係同MPF嘅規例一樣。

大家記住如果要申請以上嘅幾樣產品， 而又想喺今個稅季年度(2019/2020) 可以行駛到個免稅額， 喺3月27號之前就要向有關金融機構申請， 過咗都可以申請不過就只能再下一個稅季年度(2020/2021) 先至可以扣稅喇， 所以大家想慳稅嘅話就要趕呢架尾班車啦🏃‍♂

以上文章為街坊投稿，文章內容只供參考，不代表本會立場。
有關稅務/保險/強積金/年金相關詳情，請尋求專業人士意見。

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

作者: 彭利池
簡介: 作者諸事八卦，外形似人其實係一條八爪魚， 又係保險人又係演員又係配音員又係導演，常常熱血過籠不過心地善良😎

近日，香港政府已經宣佈對於全球發出紅色外遊警示(不包括中澳台)，但如果大家是有必要地選擇去有外遊警示的地方，買旅遊保險時有甚麼要留意？今日就同大家講講，旅遊保險，甚麼保甚麼不保！

外遊警示是什麼?
外遊警示由香港保安局發布，因應每個國家嘅危險情況已發佈，協助香港居民若到訪的海外國家或地區時會面臨的人身安全危險，經風險評估後，考慮是否需要發出外遊警示的制度。

警示分為3級，最低為黃色，提醒大家留意當地局勢，提高警惕注意安全。中級就是紅色，代表有明顯威脅，如非必要不要前往。最嚴重就是黑色，意指有嚴重威脅，不應前往。

有什麼保什麼不保?
在外遊警示發出前購買旅遊保險，多數保單都會為「取消行程」及「縮短行程」作出不同程度的賠償，而上述過程就僅限在外遊警示生效期間才能受保，對於今次港府鑑於武肺，對全球大部份國家發出紅色外遊警示，投保人需要不時留意保險公司的最新消息，例如投保日期，武肺是否屬於保障範圍，海外醫療等等全部都會受影響，所以投保前一定要問清楚。

幾時買旅遊保險最好?
如果已經預訂了機票和酒店，最好盡早買旅遊保險，以得到更多保障。因旅保在購買一刻已開始生效，如購買後但又未出發，而政府對旅遊目的地發出黑色外遊警示，你所購買的保單，如黑色外遊警示屬保障範圍，那麼便可獲得賠償。不過，當保安局已發出外遊警示，之後所作出購買的旅保，一般保險公司則不作出任何賠償。 因為保險從來都係管理未知風險，而唔會保已知嘅事。

有部分旅保會在黃、紅警示發出後購買仍會受保，這項目稱之為「升級警示」。旅保公司則會賠償，因警示升級而引致「取消行程」及「中止旅程」的損失。在黃色警示下購買旅保，出發前警示升級轉為紅色警示，仍會受保。

其實係呢啲咁嘅時候如果係吃喝玩樂原因就真係可免則免喇， 好多航空公司喺呢段時候都容許延遲機票， 所以，除咗商務或工作原因冇辦法之下才離港吧， 人冇事先做到世界冠軍㗎嘛🤣

外遊貼士
保安局網站亦提醒市民，在紅色外遊警示下，應注意事項及建議：
‧ 計劃前往當地的市民應調整行程，如非必要，避免前往。
‧ 身在當地的港人應留意局勢，注意安全，避開示威或人群聚集的地方。
‧ 在當地的市民，如需協助，可致電入境事務處「協助在外香港居民小組」24小時求助熱線（852）1868
‧ 香港居民可在離開香港前，透過「外遊提示登記服務」登記外遊行程和聯絡方法，以便接收最新外遊警示和相關資訊。遇有緊急事故，入境事務處可作緊急聯絡以提供協助。網址：www.gov.hk/tc/residents/immigration/outsidehk/roti.htm

另外，保安局推出「保安一站通」手機App，除了可看到最新外遊警示消息，也可找到中國駐外大使館及領事館的聯絡資訊。「保安一站通」亦提供「自救法寶」，例如一般急救指南、災難應變資訊等。網址：www.sb.gov.hk/chi/news/mobileapp/

馬鞍山社區動力不時邀請區內街坊，就自己有興趣的題目撰寫文章，藉以推廣健康生活及環保社區慨念。歡迎投稿。

馬鞍山社區動力製作了一批簡單的撳𨋢神器，幫助居民對抗疫情。有意領取居民請填寫以下Google Form登記領取。因首批數量有限，如登記超出所限，會以抽籤決定，抽籤結果會於3月6日星期五或之前以Ｗhatsapp 個別通知。

登記表格:
https://docs.google.com/forms/d/e/1FAIpQLSdPaRqwbruqPBRCiQvXCcNX0g61dUK5_eLh6Fps8ivoNPltnw/viewform

馬鞍山社區動力這款撳𨋢神器是以幼身唇膏桶加上水松木製成，管身與蓋頂留有足夠空間讓水松木突出。使用時只需打開蓋，毋需扭動管身便可直接使用，用完蓋好即可，方便衛生。水松木之硬度類似手指，可用於一般按鍵式電梯和自動櫃員機， 不會損害按鈕上之膠片。

注意：不適用於輕觸式按鈕或屏幕。

馬鞍山社區動力捐贈了60個100ml HDPE噴樽予 小星星愛心傳遞，協助分裝消毒酒精給糖尿病患者。

我們亦捐贈了一批 HDPE噴樽予 錦光元朗綜合社區服務中心 ， 支援為弱勢社群派發防疫物資的工作❤️

大家要加油，一齊努力!

#社區動力 #齊心抗疫

繼完成了週末義賣後，我們於本週再次開展新一輪的緊急捐贈行動，將我們義工團隊按世衛建議配方製作的酒精搓手液，緊急捐助予各相關機構及團體：
1. 將100支捐贈予鄰近深水埗白田邨的「香港盲人輔導會 HKSB」
2. 將120支捐贈予位於馬鞍山頌安邨的 「 信義會頌安長者鄰舍中心」

而繼第一輪派發150支搓手液予其65歲以上長者會員後，我們昨日再額外撥贈60支予「 香港盲人體育總會Hong Kong Blind Sports Federation」用以派發給該會65歲以下會員。

我們至今已捐贈及上門派發了接近700支100ml 酒精搓手液，希望能及時將酒精搓手液送到有需要人士手上。感謝各位對我們義賣及緊急捐贈行動的信任和支持，非常感激🙏。

#社區動力 #齊心抗疫

我們上週五製作了第二批共450支100ml酒精搓手液，除了周六捐贈和派發了共360支外，我們同步亦嘗試聯絡其他團體。

當中有600多位會員的 香港盲人體育總會Hong Kong Blind Sports Federation 表示，他們亦正準備派發口罩及搓手液等物資予有急需會員，故此我們今早率先將150支搓手液送到該會葵涌會址，希望能及時幫到有需要人士。如再有需要，我們在可行情況下會安排捐贈更多搓手液予失明人士相關團體。

希望大家繼續支持及諒解我們的緊急捐贈行動。希望馬鞍山居民除了關心自己社區外，亦可在非常時期為弱勢社群出一分力。

#社區動力 #齊心抗疫