撰文：馬鞍山社區動力街坊義工 NN
今日17/4去左深水埗一帶，包括北河街、欽洲街公園，3:00開始，5:00前完。我和朋友一行三人，主要對象：路宿者、清潔工，南昌邨少量長者。
期間有問候他們每天換多少口罩、口罩是否充足？公司派多少口罩給他們？每週返工多天，工時多長呢d 問題。又會教導他們正確戴口罩。
在南昌邨時有個伯伯回應我哋足夠有好多，再問多句原來佢家中只有五個口罩🥺🥺
派發期間，也有介紹這些口罩是馬鞍山義工街坊捐贈，佢哋覺得好開心，因為我哋咁遠過嚟關心佢哋。朋友也自備了一些消毒洗手液給他們。
最特別感動是：我哋入左去垃圾站裏面派口罩，這班員工不斷多謝馬鞍山街坊，仲話自己預備開工，未換制服，唔好意思。我見他們咁興奮，所以就邀請他們一同拍照了。
